मनहरीमा आयोजित मिलन धर्मराज स्मृति खुल्ला नक आउट फुटबल प्रतियोगिताको प्रथम सस्करणको उपाधी हासु एफसि मनहरीले उचालेकोछ ।
मनहरी ८ सिम्पानीको निर्माणधिन खेल मैदानमा सोमबार भएको फाईनल खेलमा बलियो प्रतिद्वन्द्वी कैलाश गाउँपालिकालाई ३- ० ले हराउँदै नगद रु एक लाख सहित शिल्ड, प्रमाणपत्र र मेडल हात पारेकोछ ।
मनहरीको जितमा खेलको पहिलो हाल्फको २३ औं मिनेटमा जर्सी नम्बर ७ का बिदेशी खेलाडी जोन ग्लोरीले गरे । उनको उत्कृष्ट गोलसङ्गै टिमलाई अगाडि बढाएको मनहरीले दोश्रो हाल्फमा दुई गोल थप्दै उपाधी उचालेको हो । मनहरीको तर्फबाट खेलको दोश्रो हाल्फको १२ औं मिनेटमा जर्सी नम्वर २ का खेलाडी मोहित गुरुङले गरेका थिए । त्यस्तै दोश्रो हाल्फको २३ औं मिनेटमा बिदेशी खेलाडी ग्लोरीले खेलको तेश्रो तथा ब्यक्तिगत दोश्रो गोल गर्दै टिमलाई स्पस्ट जित दिलाएका थिए ।
यता प्रतियोगिताको सेमिफाईनल सम्म निक्कैनै राम्रो खेल पस्केको कैलाश भने फाईनलमा सम्हालिन नसक्दा उपबिजेतामै सिमित बन्यो । आफ्नै टिम भित्रको खेलाडिको समायोजन मिलाउन नसक्दा कैलाश उपबिजेतामै सिमित हुन पुग्यो । कैलाशले नगद रु ५० हजार सहित सिल्ड,मेडल र प्रमाणपत्र प्राप्त गरे ।
फाईनल खेलमा हासु एफ सि मनहरीका जीत थापा मगर घोषित भए । प्रतियोगिता भर सबै भन्दा बढी गोल गर्दै आयोजक सिम्पानी युथ क्लबका खेलाडी राज भुसाल सर्बाधिक गोलकर्ताको ट्रफी चुमे । उनले खेल अबधि भर ६ गोल गरेका थिए । त्यस्तै हासु एफसि मनहरीका गोल किपर उत्कृष्ट गोल किपर, मनहरीकै राज थापा मगर उत्कृष्ट मिड फिल्डर, उत्कृष्ट डिफेन्डर मनहरीकै छिरिङ्ग लामा बने । खेल अबधी भरीकै सर्बोत्कृष्ट खेलाडी घोषणा भने आयोजक टिमका राहुल थापा मगर भए । उनले सर्बोत्कृष्ट खेलाडी बन्दै सानिमा ईन्स्योरेन्सको तर्फबाट ५ लाख बराबरको जीवन बिमा समेत हात पारे ।
क्लबका सदस्य तथा फुटबल खेलाडी मिलन लामा र धर्मराज लामाको स्मृतिमा आयोजक सिम्पानी युथ क्लबले फुटबल प्रतियोगिता आयोजना गरेको हो । स्वर्गीय मिलनका दाजु मनोज लामाले प्रथम पुरस्कार स्वरुप नगद रु एक लाख सहयोग गरेको थियो । त्यस्तै मनहरीका अर्का युवा ब्याबसायी नमराज थिङले दोश्रो पुरस्कार स्वरुप नगद रु ५० हजार सहयोग गरेको थियो । प्रतियोगिता सफल पार्न देश तथा बिदेशमा रहेकाहरुले आर्थिक सहयोग गरेकोथियो ।
प्रथम शिल्ड सहिद पृत कुमार स्मृती प्रतिस्ठान र दोश्रो शिल्ड राजनैतिक ब्यक्तित्व तथा समाजसेवी वीर बहादुर घलान ज्वालले सौजन्य गरेका थिए ।
समापन समारोहमा दक्षिण एसियाकै पहिलो महिला रेफ्री कल्पना शर्मालाई सम्मान पत्र प्रदान गरेको थियो ।
कार्यक्रममा मनहरी गाउँपालिका अध्यक्ष रन्जन कालाखेतीको प्रमुख आतिथ्यता रहेको थियो । त्यस्तै गरि कैलाश गाउँपालिका अध्यक्ष लोक मुक्तानको बिशिष्ट आतिथ्यता रहदैगर्दा मनहरी गाउँपालिका उपाध्यक्ष सीता पुलामी मगर( रेखा), कैलाश गाउँपालिका उपाध्यक्ष बाल कुमार मल्लको बिशेष आतिथ्यता रहेको थियो ।
कार्यक्रममा मनहरी गाउँपालिकाका विभिन्न वडाका वडा अध्यक्षहरु,विभिन्न राजनैतिक दलका प्रतिनिधि , संघ सस्थाका प्रतिनिधि , सुरक्षा निकायका प्रमुख तथा प्रतिनिधीको आतिथ्यता रहेको थियो ।
असार २० गते देखि ३१ गते सम्म सन्चालित प्रतियोगितामा चितवन, मकवानपुर र बारा जिल्लाका गरि १२ वटा टिमको सहभागिता रहेको थियो ।
प्रतियोगिता संचालनको क्रममा दश लाखको हाराहारीमा खर्च भएको आयोजक सिम्पानी युथ क्लबले जानकारी दिएकोछ । समापन समारोहमा क्लबका अध्यक्ष किरण सुबेदीको सभाध्यक्षता रजेको थियो ।
