पाचौं मनहरी महोत्सवको चौथो दिन नेपालकै वरिष्ठ हास्य कलाकार मनोज गजुरेल आउदैछ । मनहरी महोत्सवमा उनै वरिष्ठ हास्य कलाकार गजुरेलको प्रस्तुती दर्शकले हेर्न पाउनेछ ।
महोत्सबमा आउनका लागि गजुरेलले आफ्नो फेसबुक एकाउन्टबाट मनहरी महोत्सबमा आउने जानकारीमुलक सन्देश राखेकाछन् । साथै माघ १९ गते आफ्नो प्रस्तुती रहने भएकोले दर्शकलाई महोत्सवमा आईदिन आग्रह समेत गरेकाछन् ।
बहु प्रतिभाका धनी गजुरेल कहिले भारतका प्रधानमन्त्री नरेन्द्र मोदि कहिले ओसो कहिले पुर्ब प्रधानमन्त्री शेर बहादुर देउबा कहिले पुर्ब अमेरिकी राष्ट्रपती डोनाल ट्रम र कहिले आफ्नै आमाको दुरुस्तै कपि गरेर आम दर्शकलाई रमाईलो प्रदान दिईदै आईरहेकोछ । आज मनहरी महोत्सवमा उनको कुन रुप हेर्न पाउने हो भन्ने कुरा महोत्सवमै आएर हेर्न जरुरीछ ।
आजै महोत्सबमा गजुरेलले दर्शकलाई हसाउनेछन् भने गायक द्वय विशाल काल्तान र चर्चित लोक गायक कृष्ण रेउलेले दर्शकलाई नचाउनेछन् । साथमा स्थानिय कलाकारहरुको प्रस्तुती रहने आयोजक मकवानपुर उद्योग बाणिज्य संघ पश्चिम क्षेत्र समिती मनहरीले जानकारी दिएकोछ ।
कृषि , पर्यटन र व्यापार ग्रामिण बिकासको मूल आधार भन्ने नाराका साथ संचालन भईरहेको महोत्सबमा स्थानिय उत्पादन सहित ब्यापारिक स्टलहरु रहेकाछन्।
