पाचौं मनहरी महोत्सवको पुर्ब सन्ध्यामा महोत्सवको लागि स्टल देखि बाल उद्यान लगाएत अन्य भौतिक निर्माणका कार्य द्रुत गतिमा भईरहेकोछ । यसै बिच मनहरी महोत्सवलाई बिशेष बनाउने बिश्वास लिईएको चेपाङ घरको निर्माण पनि द्रुत गतिमा भईरहेकोछ ।
चेपाङ घर बन्नु त सामान्यनै हो तर चेपाङ समुदायका अगुवा मान बहादुर प्रजा चेपाङ समुदायका पान्दे आफै निर्माणधिन घर छाउन आफै धुरी चढेकाहुन्। मनहरी ७ प्यान्चे घर भएका चेपाङ पान्दे मान बहादुरले आफ्नो कला ,सस्कृती महोत्सवमा आउने आम जनतालाई देखाउने अवसर दिने आयोजक उद्योग बाणिज्य पश्चिम क्षेत्र समिती मनहरीलाई धन्यवाद समेत दिए ।
महोत्सवको मुल गेटसङ्गै दाईने पट्टि निर्माण भई रहेको चेपाङ घरमा महोत्सव अबधीभर चेपाङ समुदायको सस्कृती सम्बन्धी जानकारी दिने र ढ्याङ्रो फलाक्ने लगाएतका अन्य गतिबिधी निरन्तर चल्ने चेपाङ पान्दे मान बहादुरले बताउनुभयो ।
पछिल्लो समयमा चेपाङ समुदायका मान्छेहरुले आफ्नो धर्म बिर्सदै गएकोले आफ्नो समुदायको कला सस्कृती लोप हुने अवस्थामा पुगेको प्रती चिन्तित रहेको पनि बताउनुभयो । पान्दे मान बहादुर आफ्ना आफन्तको सहयोग लिएर महोत्सवमा प्रदर्शनीमा रहने चेपाङ घरको निर्माणमा लागेकाहुन्।
