राक्सिराङ्ग गाउँपालिकामा खानेपानी तथा सरसफाई योजना सम्बन्धी काम गर्ने उद्देश्यले वाईन टु वाटर नेपाल (WWN)को प्रबेश भएकोछ।
सस्थाले राक्सिराङ्गमा खानेपानी तथा सरसफाई योजनाको सम्भाब्यता अध्ययन प्रतिबेदन कार्यक्रमलाई औपचारिकता दिईएकोछ । मंगलबार गाउँपालिकाको कार्यालय चैनपुरमा ३ बर्ष भित्र गरिने कार्यक्रमको लागि पालिका र संस्थाका प्रतिनिधि बिच सम्झौता सम्पन्न भएको हो । गाउँपालिकाको तर्फबाट पालिका अध्यक्ष राजकुमार मल्ल र प्रमुख प्रशासकीय अधिकृत पदम बहादुर बस्नेत त्यस्तै संस्थाका तर्फबाट राष्ट्रिय निर्देशक निरज श्रेष्ठ र कार्यक्रम प्रबन्धक यज्ञ राज जोशीले सम्झौता पत्रमा हस्ताक्षर गर्नुभएको हो ।
कार्यक्रम २०८२ बैशाख देखि २०८५ असार मसान्तसम्म सन्चालन हुनेछ । पहिलो चरणमा राक्सिराङ्ग गाउँपालिकाको ६ वटा वडामा कार्यक्रम संचालन हुनेछ । संस्थाले गाउँपालिका सङ्गको साझेदारितामा कार्यक्रम सन्चालन गर्नेछ । योजना सन्चालनको क्रममा लाग्ने लागत मध्ये ६५ प्रतिशत संस्थाले बेहोर्नेछ । त्यस्तै गरि पालिकाले २५ प्रतिशत र १० प्रतिशत जनश्रमदान मार्फत रहने सम्झौतामा उल्लेख गरिएकोछ । पहिलो चरणको कामसङ्गै बाँकी वडामा आवश्यकताको आधारमा योजना अगाडि बढाईनेछ ।
