राक्सिराङ्ग गाउँपालिकामा बन बिज्ञान (फरेस्टी) क्याम्पस हेटौंडामा अध्ययनरत बिधार्थीहरुद्वारा किसानको असली साथी सालकको बारेमा प्रचारप्रसार गरेकाछन्। राक्सिराङ्ग गाउँपालिकाको केन्द्र चैनपुरमा बन बिज्ञान संकायका बिद्यार्थीद्वारा सुर्योदय माध्यामिक बिधालय राक्सिराङ्ग ३ पलासेमा अध्ययनरत बिधार्थी, प्रजा जागृती माध्यामिक बिधालय राक्सिराङ्ग ५ चैनपुरमा अध्ययनरत बिधार्थी स्थानिय समुदाय, सामुदायिक बनका प्रतिनिधी लगाएतकालाई सालकको बारेमा जानकारी प्रदान गरिएकोहो ।
संकटापुर्ण अवस्थामा रहेको सालकको परिचय, त्यसको बासस्थान लगाएतको सालक किन संरक्षण गर्न जरुरिछ भन्ने बारेमा डकुमेन्ट्री मार्फत जानकरी दिईएको थियो। त्यस्तै गरि बिद्यार्थीहरुमाझ सालक र सालक मैत्री वातावरण दर्शाउने प्रकृतिको चित्रकला प्रतियोगिता समेत आयोजना गरिएको थियो । उत्कृष्ट मध्यको उत्कृष्ट ३ जनालाई पुरस्कार स्वरुप डायरी र कलम प्रदान गरिएको थियो । त्यस्तै गरि बिद्यार्थीहरु माझ नै खुल्ला हाजिर जवाफ प्रतियोगिता समेत सम्पन्न गरेकोछ हाजिर जवाफमा सालक सम्बन्धि प्रश्नहरु सोधिएको थियो ।
कार्यक्रममा सालकको फेस पेन्टिङले बिधार्थीहरुमा थप नया पन दिएको थियो । राक्सिराङ्गमै पहिलो पटक सालकको विषयमा औपचारिक रुपमा भएको यो पहिलो कार्यक्रम हो । राप्ती डिभिजन बन कार्यालयको सहयोगमा बन बिज्ञान संकायका बिधार्थी र पन्छी संरक्षण संघ संकाय समन्वय समिती, हेटौंडाको सहकार्यमा कार्यक्रम सम्पन्न भएको हो ।
