मकवानपुर जिल्लाकै प्रमुख ब्यापारिक केन्द्र हेटौंडा पछिको दोश्रो ठूलो बजारको रुपमा रहदै आईरहेको मनहरी बजार अब झिलिमिली बन्ने भएको हो ।
मनहरी गाउँपालिकाको आर्थिक सहयोगमा वडा नम्बर ७ मा अवस्थित मनहरी बजारको मुख्य बजार क्षेत्रको महेन्द्र राजमार्गको बिच भागमा सिसि क्यामरा सहितको हाई मास लाईट जडान गरिएको हो ।
उज्यालो मनहरी कार्यक्रम अन्तर्गत बत्ती जदान गरिएको हो । बजारलाई उज्यालो र सुरक्षा सहित बजार क्षेत्रको र राजमार्गमा हुने हरेक गतिबिधीलाई अब सिसि क्यामराले प्रत्येक्ष निगरानी राख्नेछ। जस्ले मनहरीमा हुने सवारी दुर्घटना र अन्य आपराधिक गतिबिधीलाई पहिचान गर्न मद्धत पुग्नेछ ।
उज्यालो मनहरी कार्यक्रम सम्पन्नको लागि २ बर्षको निरन्तर प्रयास पस्चात सम्भव भएको बत्ती जडानमा निरन्तर खटिदै आईरहनुभएका मनहरी गाउँपालिका ७ नम्बर वडाका अध्यक्ष ठाकुर राम तितुङले बताउनुभयो ।शुक्रबार साँझ अबेर सम्म निरन्तर प्राबिधिकलाई परिचालन गरि बत्ती जडान गरिएको थियो ।
१५ मिटर अग्लो पोलमा ८ वटा हाई मास लाईट र ४ वटा सिसि क्यामरा रहनेछ । लाईटले मनहरी बजारको ३ सय मिटर वरपरका क्षेत्रमा उज्यालो दिनेछ । बत्तीसंगै नेपालको राष्ट्रिय झण्डाले मनहरी बजारलाई थप रौनकता प्रदान गरेकोछ ।
मनहरी गाउँपालिकाले सिसि क्यामरा सहितको बत्ती जडानलाई दश लाख रुपैया बिनियोजन गरेको थियो ।
बजार क्षेत्रमा ब्यबस्थित ढलको निर्माण सङ्गै रोडको बिस्तार समेत यसै आर्थिक बर्ष २०८१/०८२ मा हुँदैछ।
बत्ती जडान पस्चात अब चौबीसै घण्टा उज्यालो रहनेछ । मनहरी गाउँपालिकामै पहिलो पटक जडान गरिएको बत्तीको उद्घाटन आज शनिबार साँझ मनहरी गाउँपालिका अध्यक्ष/उपाध्यक्षद्वारा संयुक्त उद्घाटन गरिने कार्यक्रम रहेको मनहरी गाउँपालिका ७ नम्बर वडाका कार्य बाहक अध्यक्ष नमराज सुबेदीले जानकारी दिनुभयो ।
