मनहरी गाउँपालिका भित्रकै सबै भन्दा ठूलो धनराशी रहेको फुटबल प्रतियोगिताको रुपमा रहदै आएको वडा अध्यक्ष भिमान सहिद स्मृति फुटबल प्रतियोगिता यहि सोमबार अर्थात कात्तिक १६ गते देखि शुरु हुने भएकोछ ।
यस अघि कात्तिक १४ गते देखि संचालन हुने भनिएको प्रतियोगिता अबिरल बर्षासङ्गै स्थगन गरिएको थियो । १० बर्षे महान जनयुद्धमा मनहरी गाउँपालिका वडा नम्बर २ को ऐतिहासिक स्थल भिमानको छुट्टै अस्तित्व र महत्व रहेकोले त्यस ठाउँमा युद्धमा परि १९ जना सहिद भएका थिए । तिनै महान सहिदहरुको सम्झना स्वरुप उक्त प्रतियोगिता सन्चालन हुँदै आईरहेकोछ । पछिल्लो समयमा उक्त स्थाललाई युद्ध पर्यटकीय क्षेत्रको रुपमा अगाडि बढाउनको लागि स्थानिय वडा सरकारको सक्रियतामा भौतिक सम्रचना सङसङै अन्य बिकासका पुर्वाधारहरु बन्दै आईरहेकोछ ।
तेश्रो वडा अध्यक्ष भिमान सहिद स्मृति फुटवल प्रतियोगितालाई यस पटक खुल्ला रुपमा सन्चालन गरिने प्रतियोगिताका संयोजक चन्द्र सिङ स्याङ्तान ( माधव) ले जानकारी दिनुभयो । साथै प्रतियोगितामा आयोजक २ नम्बर वडा खेलकुद बिकास समिती सहित १२ वटा टिमको सहभागिता रहेको र १६ गते उद्घाटन खेलसङै २ वटा खेल सन्चालन गर्न लागिएको समेत जानकारी दिनुभयो । पहिलो खेल दिउँसो १२:०० बजे आर आर सि मनहरी ३ र बुद्ध एफ सी हेटौंडा १ बिच हुनेछ । यस्तै दोश्रो खेल दिउँसो ३ :०० बजे जनसिद्ध एफ सी मनहरी ३ र चकरी एफ सी अम्लेखजङ्ग बारा बिच हुनेछ ।
त्रिरत्न आधारभुत बिधालयको खेल मैदानमा हुने खेलको प्रथम हुने टिमले नगद १,११,१११/- रुपैयाँ सहित ट्रफी ,मेडल र प्रमाणपत्र प्राप्त गर्नेछ । यस्तै दोश्रो हुने टोलीले नगद ५५,५५५/- रुपैयाँ सहित ट्रफी , मेडल र प्रमाणपत्र प्राप्त गर्नेछ । साथै प्रतियोगिताको हरेक खेलमा म्यान अफ द म्याच घोषित खेलाडीले नगद ३,०००/- र प्रमाणपत्र त्यस्तै बिधागत उत्कृष्ट खेलाडीले नगद ३,०००/- रुपैयाँ , ट्रफी र प्रमाणपत्र प्राप्त गर्नेछ भने सर्बोत्कृष्ट खेलाडीले नगद ५,०००/- सहित ट्रफी हात पार्नेछ ।
प्रतियोगितालाई देश तथा बिदेशमा रहने खेलप्रेमीहरुलाई सहज रुपले खेल हेर्नको लागि सामाजिक संजाल मार्फत प्रत्यक्ष प्रसारणमा जोड्ने तयारीमा रहेको आयोजकले जानकारी दिएकोछ । खेलकुद बिकास समिती मनहरी २ नम्बर वडाको आयोजनामा हुन गईरहेको प्रतियोगिताको मुख्य प्रायोजकको रुपमा मनहरी गाउँपालिका वडा नम्बर २ को कार्यालय रहेको छ भने मनहरी गाउँपालिकाको कार्यालय सह प्रायोजकको रुपमा रहेकोछ ।
प्रतियोगिताको फाईनल खेल कात्तिक २३ गते दिउँसो १:०० बजे हुने आयोजकले जानकारी दिएकोछ ।
