मनहरी गाउँपालिकामा एक्कासी गोठमा आगालागी हुँदा एक हल गोरु सहित सात वटा बाख्रा जलेर नष्ट भएकोछ ।
मनहरी २ नम्बर वडाको टाँडी स्याङ्बो टोलको बर्ष ५८ का सुरेन्द्र राईको गोठमा एक्कासी आगालागी हुँदा गोठ पुर्ण रुपमा नष्ट भएकोछ । बुधबार दिउँसो ४:३० बजेको समयमा घरमा कोहि नभएको अवस्थामा लाईन सर्ट भई आगालागी भएको हो कि भन्ने अनुमान गरिएकोछ ।
गोठसङ्गै भान्सा घर समेत सोही जलेको गोठमा रहेको र एक्कासी आगालागी हुँदा खाना पकाउने ग्यासको सिलिन्डर पड्किएको र त्यस पछि आगो झन ठूलो भएको र सङ्गै रहेको घरमा समेत आगो लाग्न थाले पछि स्थानियले घरको आगो निभाउन सफल भएको वडा सदस्य शुकराम तामाङले जानकारी दिनुभयो
