मनहरी गाउँपालिका उपाध्यक्ष सीता पुलामी मगर रेखा सरोबर चेली सम्मान २०८१ द्वारा सम्मानित हुनुभएकोछ । उहाँलाई रेडियोद्वारा आयोजना गरिएको बृहत तिज बिशेष कार्यक्रमको अवसरमा सम्मान गरिएको हो ।
रेडियोले उपाध्यक्ष मगरलाई मकवानपुरमा रहेर सामाजिक राजनैतिक तथा महिला सशक्तीकरणको क्षेत्रमा पुर्याउनुभएको अतुलनिय योगदानको कदर गर्दै सरोबर चेली सम्मान २०८१ ले सम्मान गरिएको हो ।
भाद्र २१ गते हेटौंडामा भएको तिज बिशेष कार्यक्रमको माझ उपाध्यक्ष सम्मानित हुनुभएको हो । गगन मिडिया प्रा.लि. द्वारा सन्चालित रेडियो सरोबर ९२.५ मेगाहर्जले सरोबर चेली सम्मान कार्यक्रम हरेक बर्ष निरन्तर प्रदान गर्दै आईरहेकोछ ।
सम्मान पत्र कार्यक्रमको प्रमुख अतिथी बागमती प्रदेश सभा सदस्य तथा निबर्तमान सामाजिक बिकास मन्त्री माननीय कुमारी मुक्तानले उपाध्यक्ष मगरलाई हस्तान्तरण गर्नुभएको थियो । प्रमुख अतिथी मुक्तानले रेडियोले महिला हित र अधिकारको सवालमा आवाज उठाउदै आईरहेको र संरक्षणको क्षेत्रमा लाग्दै आईरहेको प्रती आभार प्रकट गर्नुभयो ।
कार्यक्रममा प्रमुख अतिथी माननीय कुमारी मुक्तान ,मकवानपुर जिल्ला समन्वय समिती संयोजक ललित घलान बिशिष्ट अतिथी,मनहरी गाउँपालिका उपाध्यक्ष सीता पुलामी मगर बिशेष अतिथी ,थर्ड आई एजुकेशन सेन्टर प्रा. लि. हेटौंडाका प्रमुख बेल प्रसाद खतिवडा बिशेष अतिथी लगाएत अन्य महिला अधिकारकर्मीहरुको आतिथ्यता रहेको थियो ।
कार्यक्रम रेडियो सरोबरका सन्चालक दिक्पाल तिमल्सिनाको सभाध्यक्षतामा सम्पन्न भएको थियो ।
