मनहरीमा आयोजित बृहत रक्तदान कार्यक्रममा ३० जना रक्तदाताले रक्तदान गरेकोछ । बिहिबार मनहरी ईसाई युवा सङ्गतीको आयोजनामा आयोजित कार्यक्रममा ३० जनाले रक्तदान गरेको आयोजकले जानकारी दिएकोछ ।
मनहरी गाउँपालिका उपाध्यक्ष सीता पुलामी मगर (रेखा) को प्रमुख आतिथ्यता रहेको कार्यक्रममा रक्तदातालाई ब्लड ब्याग हस्तान्तरण गर्दै कार्यक्रमको बिधिवत रुपमा उद्घाटन गर्नुहुदै पालिका उपाध्यक्ष मगरले हाम्रो शरिरमा रहेको एक थोपा रगतले कसैको जीवन बाच्न मद्दत गर्दछ भने किन रक्तदान नगर्ने भन्दै यस्तो महान कार्यको आयोजना गर्ने आयोजकलाई धन्यबाद समेत ब्यक्त गर्नुभएको थियो ।
संगतिले आफ्नो स्थापनाको १४ औं स्थापना दिवसको अवसरमा आयोजना गरेको कार्यक्रममा अधिकांश युवा जमातले रक्तदान गरेका थिए । जसमा कोहि पहिलो पटक , कोहि छैटौं , सातौं पटक रक्तदान गर्दै थिए । युवा बिधार्थी देखि , युवा ब्याबसायी , राजनैतिक दलका नेता र पत्रकार समेतले रक्तदान गरेका थिए ।
कार्यक्रममा मनहरी गाउँपालिका उपाध्यक्ष सीता पुलामी मगर ( रेखा) प्रमुख अतिथी, मनहरी गाउँपालिका ७ नम्बर वडाका कार्यबाहक अध्यक्ष नवराज सुवेदी , एनसिएफएन बागमती प्रदेश सदस्य बाबुराम थिङ ,उद्योग बाणिज्य संघ पश्चिम क्षेत्र समिती मनहरी सभापती गणेशमान मानन्धर , मनकामना सामुदायिक बन उपभोक्ता समूह अध्यक्ष सुरेश मुक्तान लगाएत अन्य ब्यक्तित्वको आतिथ्यतारहेको थियो ।
कार्यक्रम मनहरी गाउँपालिका ईसाई युवा संगतिका अध्यक्ष रुद्र मुक्तानको अध्यक्षतामा सम्पन्न भएको थियो ।
