ईनारमा पानी लिन गएका तीन बर्षिया बालिकाको ईनारमा डुबेर मृत्यु

पानीको ईनारमा डुबेर राक्सिराङ्ग गाउँपालिका वडा नम्बर ६ खर्कण्डेटारमा एक बालिकाको मृत्यु भएको छ ।शनिबार बेलुकी करिब ४ बजेको समयमा शेर बहादुर प्रजाको छोरी बर्ष ३ कि सुभेक्षा माया प्रजा रहेको वडा अध्यक्ष अक्कल बहादुर मुक्तानले जानकारी दिनुभयो ।

घर नजिकैको ईनारमा पानी लिन गएको बालिका ईनारको पानीमा तैरी रहेको अवस्थामा देखेपछी मृतकका दिदी सुस्मिता प्रजाले पानी बाहिर निकालेका थिए ।

घतना लगतै थप अनुसन्धानको लागि ईलाका प्रहरी कार्यालय मनहरीको टोलि घटना स्थल तर्फ लागेको ईलाका प्रहरी कार्यालय मनहरीका प्रहरी प्रमुख प्रहरी निरिक्षक दिपक थापा मगरले जानकारी दिनु भयो । साथै मृतक बालिकाको शव पोष्टमार्टमको लागि आजै हेटौंडा अस्पताल ल्याईने समेत प्रहरी निरिक्षक दिपक थापाले जानकारी दिनुभयो ।