मनहरीमा जारी प्रथम मिलन धर्मराज स्मृति खुल्ला नक आउट फुटबल प्रतियोगिताको बिहिबारको खेल सम्पन्न भएकोछ ।
बिहिबार भएको खेलमा हासु एफ सि मनहरीले ईन्द्रकमल एफ सिलाई ४-० गोल अन्तरले पराजित गरेको छ । हासुको यो जितसंगै सेमिफाइनलमा प्रवेश गर्ने अन्तिम टोलि बनेकोछ ।
हासुको जितमा पहिलो गोल जर्सी नम्बर २ का खेलाडी मोहित गुरुङले गरेका थिए । त्यस्तै दोश्रो गोल जर्सी नम्वर १९ का खेलाडी जीत मगरले गरे । यस्तै गरि खेलमा तेश्रो गोल जर्सी २० का खेलाडी अभि लामाले गरेका थिए । भने खेलमा ब्यक्तिगत दोश्रो तथा चौथो गोल जर्सी नम्बर २ का खेलाडी गुरुङले गरेका थिए ।
यस अघि आयोजक सिम्पानी युथ क्लब , कैलाश गाउँपालिका र एफ सि ईन्टरनेट हेटौंडा सेमिफाईनलमा प्रबेश गरिसकेकोछ ।
अन्तिम चारमा स्थान बनाईसकेको आयोजक टोलिले शुक्रबार फाईनल प्रवेशको लागि कैलाश गाउँपालिकासंग खेल्दैछ । त्यस्तै गरि हासुले फाईनल प्रवेशको लागि एफ सि ईन्टरनेट हेटौंडाको सामना गर्नेछ ।
बिहिबार भएको खेलको म्यान अफ दि म्याच हासुका खेलाडी मोहित गुरुङ भए ।
