मनहरीमा जारी प्रथम मिलन धर्मराज स्मृति खुल्ला नक आउट फुटबल प्रतियोगितामा ईन्टरनेट सिटि हेटौंडा बिजयी भएको छ ।
मङ्गलबार भएको खेलमा सिटिले भोर्लाघारी टोल बिकास संस्था चितवन ३- १ को गोल अन्तरले पछि पार्दै खेल जित्न सफल भएको थियो ।
भोर्लाघारीको तर्फबाट जर्सी नम्बर १० का आयुष गुरुङले गोल गर्दै टिमलाई अग्रता प्रदान थियो । सिटिको तर्फबाट अन्जन बछाईले गोल गर्दै खेल बराबरी गरेका थिए । खेलमा ब्यक्तिगत दोश्रो गोल गर्दै सिटिलाई बछाईले २ गोल गरि आफ्नो टिमलाई अग्रता दिलाएका थिए । त्यस्तै सिटिलाई स्पष्ट जित दिलाउने क्रममा सुजन बोम्जनले तेश्रो गोल गरि टोलिलाई स्पष्ट जित दिलाएका थिए ।
निक्कैनै प्रतिस्पर्धात्मक खेलमा दर्शकको बाक्लो उपस्थिति रहेको थियो । मनहरी ८ सिम्पानी बेलुवा खेल मैदानमा भईरहेको प्रतियोगितामा उत्कृष्ट खेल प्रस्तुत गर्दै २ गोल गरेका सिटिका बछाई म्यान अफ दि म्याच घोषणा भएका थिए । बछाई म्यान अफ दि म्याच भएसङ्गै नगद रु एक हजार सहित ट्रफी पनि प्राप्त गरेका थिए ।
सिम्पानी युवा क्लबको आयोजनामा आयोजित प्रथम मिलन धर्मराज स्मृति खुल्ला नक आउट फुटबल प्रतियोगितामा १२ टिमको सहभागिता रहेको थियो ।
प्रतियोगितामा प्रथम हुने टिमले नगद रु १ लाख सहित शिल्ड,मेडल र प्रमाणपत्र प्राप्त गर्नेछ भने दोश्रो हुनेले नगद रु ५० हजार सहित शिल्ड , मेडल र प्रमाणपत्र प्राप्त गर्नेछ । प्रतियोगिताको फाईनल खेल यहि असार ३१ गते हुनेछ ।
