प्रथम मिलन धर्मराज स्मृति फुटबलको दोश्रो खेलमा आज बारा र ईन्द्र कमल खेल्दै

मनहरीमा जारी प्रथम मिलन धर्मराज स्मृती नकआउट फुटबल प्रतियोगिताको दोश्रो खेलमा एम.डि.वाई.सि. बारा क्लब र ईन्द्र कमल युवा क्लब बिच खेल हुने भएकोछ ।

मनहरी ८ बेलुवा स्थित खेल मैदानमा हुने प्रतियोगिताको दोश्रो खेल दिउँसो ३ : ०० बजे हुने आयोजक सिम्पानी युवा क्लबले जनाएकोछ ।

१२ वटा फुटबल टिमको सहभागिता रहेको प्ररियोगिताको फाईनल यहि असार ३१ गते हुनेछ । प्ररियोगिताको बिजेताले नगद १ लाख सहित शिल्ड मेडल र प्रमाणपत्र प्राप्त गर्नेछ । त्यस्तै गरि उपबिजेता हुने टोलिले नगद ५० हजार सहित शिल्ड मेडल र प्रमाणपत्र प्राप्त गर्नेछन्। साथै बिधागत पुरस्कारको पनि ब्यबस्था रहेको आयोजकले जानकारी दिएकोछ ।

उद्घाटन खेलमा शानदार प्रस्तुती सहित बिजयी भएको आयोजक टोलि अघिल्लो चरणमा प्रबेश गरिसकेकोछ ।