साईको मोडमा टिपर खस्यो चालक सह चालक सामान्य घाईते

राक्सिराङ्ग गाउँपालिका वडा नम्वर ४ मा टिपर दुर्घटना परेकोछ । १७ गते साँझ पौने ६ बजे तिर टिपर अनियन्त्रित भई दुर्घटना हुन पुगेको थियो ।

रिद्दिसिद्दी सिमेन्टको गिङ्गु खानिबाट चुन ढुङ्गा लोड गरि फर्कदै गर्दा साईको मोडमा सडक देखि १० मिटर तल झरेको थियो ।

बागमती प्रदेश ०३ ००१ ख १०७८ नम्बरको दश चक्के टिपर अनियन्त्रित भई दुर्घटना हुँदा टिपर चालक मकवानपुर मनहरी गाउँपालिका वडा नम्बर ९ रजैया बस्ने बर्ष ४० का ज्ञानेन्द्र बस्नेत र सह चालक जिल्ला बारा घर भएका बर्ष २० का अजय महत्व घाईते भएकाहुन् । चालक बस्नेतको हात र खुट्टामा चोट लागेकोछ भने सह चालक सामान्य रहेको र थप उपचारको लागि सोमबारनै हेटौंडा रिफर गरिएको ईलाका प्रहरी कार्यालय मनहरीले जानकारी दिएकोछ ।