सेवा लिने सबैको अधिकार, घर घरमा स्थानिय सरकार भन्ने मुल नाराका साथ राक्सिराङ्ग गाउँपालिकाले वृहत एकीकृत घुम्ती शिविर बैशाख १० गते देखि शुरु गर्ने भएको छ ।
पालिकाले गत आर्थिक बर्ष २०८०/०८१ मा जस्तै यस आर्थिक बर्षमा पनि शिविरलाई निरन्तरता दिईएको हो। बैशाख १० गते देखि सन्चालन हुने शिविर २१ बैशाखसम्म संचालन हुनेछ ।
यस पटकको वृहत एकीकृत घुम्ती शिविरको पहिलो कार्यक्रम अन्तर्गत भोलि अर्थात बैशाख १० गते राक्सिराङ्ग २ नम्बर वडाको प्रजा प्रगती निम्न माध्यामिक बिधालयमा संचालन हुँदैछ ।
शिविरमा सहकारी जागरण कार्यक्रम,कृषि बिकास कार्यक्रम,पशु सेवा कार्यक्रम, आयुर्वेद सेवा र सामान्य स्वास्थ्य परिक्षण लगाएतका कार्यक्रम रहने पालिकाको भनाई रहेकोछ ।
सहकारी जागरण अन्तर्गत सहकारी सेवा पहुँच र उपभोग प्रबर्द्धन कार्यक्रम रहनेछ । त्यस्तै कृषि बिकास कार्यक्रम अन्तर्गत मिनिड्रिलर,कम्वाईन मिल,टनेल प्लास्टिक,स्प्रे तथा बीउ बिजन बितरण , पशु सेवा कार्यक्रम अन्तर्गत पशु औषधि तथा घाँस बीउ बितरण , आयुर्वेद सेवा अन्तर्गत नागरिक आरोग्य सेवा कार्यक्रम, जेष्ठ नागरिकको लागि स्वास्थ्य प्रबर्द्धन कार्यक्रम,स्तनपान गराईरहेका स्तनपाई आमाको लागि दुग्धबर्धक औषधि बितरण र सामान्य स्वास्थ परिक्षण सेवा अन्तर्गत चिकित्सकीय स्वास्थ्य परिक्षण,अपाङ्गता परिचय पत्र बितरण ,मधुमेह, ब्लड प्रेसर ,क्षयरोग सम्बन्धी विशेष जाँच ,नरप्लाण्ट लगाएत प्रशुती रोग सम्बन्धी विशेष जाँच र गर्भवतीहरुको लागि भिडियो एक्सरे लगाएतका सेवाहरु गाउँमै पुगेर बितरण गरिने कार्यतालिका रहेकोछ ।
बैशाख १० गते हुने कार्यक्रमको अलावा वडा नम्बर ६ को काकडा स्वास्थ्य चौकी र जुरेथुम्ब प्रा बिमा बैशाख १४ गते , बैशाख १८ गते ४ नम्बर वडा कार्यालय तथा स्वास्थ्य केन्द्रमा र बैशाख २१ गते कालिका मा बि अठारे राक्सिराङ्ग ९ नम्बरमा शिविर राखिएकोछ ।
