जनता समाजबादी पार्टी मकवानपुरको सस्थापन पार्टी नेपाल कम्युनिष्ट पार्टी माओबादी केन्द्रमा समायोजन भएकोछ ।
शुक्रबार हेटौंडाको रोयल पार्टी प्यालेशमा आयोजित पार्टी समायोजन कार्यक्रममा माओबादी केन्द्र पोलिट ब्युरो सदस्य तथा नेपाल सरकार बागमती प्रदेश सामाजिक बिकास मन्त्री कुमारी मुक्तानले खादा ओढाएर स्वागत गर्नुभएको थियो ।
गोलेको नेतृत्वमा १ सय २९ जना माओबादी केन्द्र मकवानपुरमा समायोजन भएको हो । गोलेले कार्यक्रममा मन्तब्य राख्ने क्रममा माओबादी केन्द्रनै वास्तविक उत्पिडन , पिछडिएका बर्गको नेतृत्व र वास्तविक घर भएको भन्दै माओबादी केन्द्रमा प्रबेश गरेको बताउनुभयो । गोलेले माओबादी केन्द्रमा समायोजन हुँदै गर्दा औपचारिक रुपमा प्रेश बिज्ञप्ति बाचन गरेर सुनाउनुभएको थियो ।
मन्त्री मुक्तानले यो समायोजन कार्यक्रमले सकारात्मक सन्देश दिनेछ भन्दै मकवानपुर जिल्लाको सन्दर्भमा पार्टीको ३ महिने अभियान संगसङ्गै समायोजन कार्यक्रमले झन पार्टी बलियो भएको बताउनुभयो ।
साथै रगतको बलिदानबाट प्राप्त उपलब्धी जोगाउने जिम्मा माओबादी केन्द्रको काधमा ठूलो जिम्मेवारी रहेको बताउनु भयो । संविधानको कार्यनयन गर्न दरिलो खम्बा भएर उभिनु माओबादीलाई चुनौती छ र त्यो कार्यभार पूरा गर्न हामी सबै एक जुट हुन जरुरी छ भन्नुभयो ।
समायोजन कार्यक्रममा बागमती प्रदेश सभा सदस्य तथा माओबादी केन्द्र बागमती प्रदेश कमिटी उपाध्यक्ष प्रेम बहादुर पुलामी , पार्टी प्रदेश कमिटी सचिवालय सदस्य तथा मकवानपुर जिल्ला समन्वय प्रमुख ललित घलान र बागमती प्रदेश कमिटी सदस्य प्रेम भुजेलले मन्तब्य ब्यक्त गरेका थिए ।
माओबादी केन्द्र पार्टी संसद संख्याको आधारमा तेश्रो भएता पनि बिचारको हिसाबले एक नम्बर भएको भन्दै सम्पुर्ण कम्युनिष्ट पार्टी एक हुन आवश्यक रहेको र २०६४ सालको जस्तो पार्टी निर्माणमा बनाउनुपर्नेमा जोड दिईएको थियो । माओबादी केन्द्र मकवानपुर जिल्ला समन्वय संयोजक एबम बागमती गाउँपालिका अध्यक्ष सर्केश घलान ( मधु) को सभाध्यक्षतामा सम्पन्न कार्यक्रमको सहजिकरण माओबादी केन्द्र जिल्ला समन्वय कमिटी सचिब भिम पाख्रिनले गर्नुभएको थियो ।
